සමනල සිහිනය………..

සමනල සිහිනය මල් වරනා සද
සිත යට කවියක් ලියවෙනවා
සිහිනෙක ඈතට පියඹා යන්නට
තරු දහසක් රෑ පායනවා
අත්තටු හැකිලෙන සීතල හිරිකඩ
රෑ සදපානේ නලියනවා
ගී හඩ මිමිණෙන ඈතක
ඉදගෙන
මල් සුවදක් හෙමිහිට එනවා
පියමැන පිනිමත
පමා නොවන්නට
ඒ සිහිනය පසු පස යනවා
බිදුණොත් සිතිවිලි විසිරී යන විට
දුක විතරක් තනියට එනවා…..

Posted in Uncategorized | Tagged | Leave a comment

සොදුරු හිරු මඩල………….

අලුත් හිරු මඩල නුඹ
මගෙ ලොවම එළිය වූ
නිමක් නැති ස්නේහයයි.
මා හදට ළගා වූ
අකුරු පද වචන වී
කලාවට සිතුවම් වූ
කවුරු නම් වී හැකිද
මෙතරම්ම සොදුරු වූ
සිහිනයකින්වත් නොසිතු
නෙත් කැලුම්වත් නොදුටු
ගණ අදුර දුරාලන
නැවුම් හිරු කිමවේද?

Posted in Uncategorized | Tagged | Leave a comment

කවියෙකුගේ අවසානය……….

කවියකට පෙම් බැන්ද
ඡීවිත ගං දෑල මත හිද
කවි පදවැල් ගොතන
සුන්දර කවියෙක්ම නොවේද ඔබ
ලැබුනේ දිවියට කවිකම්ය
සම්මාන පදක්කම් වැසි වැටුණු
සුපස්ටා නොවුනත් ඔබ
කවිය මැද දිලුණු තරුව නුඹ
කවි ගගට මග අහිමි කල
කදුළු කවි පදවැල් කොටම
අවසන් කවි සුසුම් පොද
අවසන් ගමන් ගියා ඔබ සමග………

Posted in Uncategorized | Tagged | Leave a comment

දසුන………

ඉකිගසන හදින්
නැගෙන දුක වේදනාවන්
මිලාන වූ පැතුම්
සොදුරු නුඹ ගැන ඉතින්
අදත් එලෙසමයි දෑ අවුරුද්දක්
ගෙවුනත් කාලය ඉගිලී ගිහින්
හිමිදිරි උදයේ පිණිකැට මතට
අරුණ කිරණ වැටී
දිලිසෙන කාන්තිය
ඔය නිල් දෑස මතින් දිටිමි
රෑ අහසේ පුර හද වලා
ගැබින් එබි එබී
නුඹ සුදු වූවනේ සිරියාවෙන්
මා නෙත් සැනසුණි.
අඩදුරු සැදෑවේ ඇතුගල මතට
රාස්සි කිරණ වැටී
ගෙනෙන පාළුවට නුඹ ඔහු
එනතුරු මග බලා සිටී
රෑ අහසේ පුර හද අමාවක
ගිල ගනිද්දී.
නුඹ ඔහු අත වෙළි දසුනින්
මා නෙත් දැවුණි….

Posted in Uncategorized | Tagged , | Leave a comment

කපටි පීටර් සහ ගවයන් තිදෙනා……….

කපටි පීටර් පාර අයිනේ තම ගවයන්ට තණ කවමින් සිටිනු දුටු ගොවියෝ තිදෙනෙක් පීටර්ගේ බුද්ධිය මැන බැලීමට තීරණය ක‍ළහ.
‍‍‍පීටර් පොලවේ හරිමැද තියෙන්නේ කොහෙද කියලා කියන්න ඉන් එක ගොවියෙක් පීටර්ට ප්‍රශ්ණයක් යොමු කළේය.
කපටි පීටර් තම අතේ වු කෙවිට ගවයෙකුගේ පිටුපස දෙපා අතර පොළවේ ඇන මෙන්න මෙතන පොළවේ හරි මැද යනුවෙන් පැවසුවේය. ඔබට මාව විශ්වාස කරන්න බැරිනම් ඔබටම හොයලා බලන්න පුළුවන්.දෙවන ගොවියා කපටි පීටර්ගෙන් මෙලෙස ප්‍රශ්ණ කළේය. අහසේ තරු කීයක් තියනවද?.
මගේ මේ ගවයාගෙ ඇගේ තියෙන මයිල් ගානට අහසේ තරු තියනවා. ඔබට මාව විශ්වාස නැත්නම් ඔබට පුළුවනි මගේ ගවයාගේ ඇගේ තියන මයිල් සහ අහසේ තරු ගැනලා බලන්න. එතකොට ඔබට පෙනේවි මම කියන්නේ ඇත්ත කියලා. කපටි පීටර් පිළිතුරු දුන්නේය.
ඔබට පුළුවන්ද මගේ යටි රැවුලේ කෙස්ගස් කීයක් තියනවද කියල කියන්න.තෙවන ගොවියා තම ප්‍රශ්ණය යොමු කළේය.
මගේ ගවයා‍ගේ වලිගය අග්ගිස්සේ තියෙන මයිල් ගානට සමාන ගණනක් තියෙනවා. ඔබ මාව විශ්වාස කරන්නේ නැත්නම් මගේ ගවයාගේ වලිගය කෙළවර ඇති මයිල් ගාණත් ඔබගේ යටි රැවුළේ මයිල් ගානත් ගනන් කර බලන්න පුළුවනි.
අන්තිමේ ගොවියෝ මෙලෙස විමසුහ.
එබට කියන්න පුළුවන්ද මිනිහාත් ගවයාත් අතර වෙනස මොකක්ද කියලා.
ඔබ තිදෙනා දිහා බැලුවිට නම් කිසිම වෙනසක් පෙනෙන්නේ නැහැ.
තවදුරටත් ප්‍රශ්ණ ඇසීමෙන් තමන් තවත් ලැජ්ජාවට පත්වන බව වටහාගත් ගොවියෝ එතැනින් මගහැර යන්නට ගියහ.

Posted in Uncategorized | Leave a comment

දකින්නට නිවන………..

පිවිතුරු වූ නෙළුමක් බැතිබරව
දෝතලා මම ගියෙමි
පින්බර වු විහාරයේ
බුදුහිමි අභියසට
ඒ නිල් ඉදුවර දෙනෙත් දෙස
බලා සිටියෙමි මා මද වේලාවක්
ගතවිය මොහොතින් මොහොත
ගිනිගෙන දැවෙමින් තිබු මා සිත
නිවි නිවී ගිය සැටි
විෂ්මිත කරවයි මා මන
අරවින්දය ද පුද දී
ඒ නේත්ර රංඡනය දෙස නැවතත්
බලාසිට
පැමිනෙන්නට තැබුවෙමි පියවර
නමුදු හද පැවසුවේ ඒ නීල නෙතු
අඩ ගසනා බවකි.
මා නෙත්වලට
යළිත් පියවර තබා බුදු හිමි අසල
සිටියෙමි පසග පිහිටුවා
සමාධි ගතවිය සිත…..හදවිල
පත්විය නිසන්සල පියකරු
ගංතෙරක විලසක
තැබුවෙමි පියවරක්
මෙහෙණියකව
දකින්නට විදින්නට අමා මහ නිවන් සුව……..

Posted in Uncategorized | Tagged , | Leave a comment

පායන්න………..

කිදුරියක් සේ
ගී පද ගෙනවිත්
සමන්පත් තුළ
කොදුරා ගයන්න
නිශා යාමේදී
පහන් තරුව වී
අපරදිග අහසේ
පායා හිදින්න
දවසක නුඹ
සිතුවිල්ලක් වී
පුංචි සිත් කුහරයේ
නවාතැන් ගන්න
දෛවයේ දොරගුළු වසා
සිත් අඹරේ පායන්න……

Posted in Uncategorized | Tagged , | Leave a comment